رامي صبري يكشف كواليس فشل انتقاله للأهلي.
كنت مقدم شوط أول كويس في ماتش أتلتيكو مدريد أمام الأهلي، وبين الشوطين لقيت كهربا بيقولي “أنت هتروح الأهلي بكرا”.. وأن الكابتن حسام البدري على الدكة مبيتكلمش على حد في الملعب غيرك
بعد يومين فعلاً لقيت الكابتن حسام بيكلمني وعاوزني في الأهلي وروحت للكابتن علاء عبدالصادق، في التجمع، قولتله فين العقود يا كابتن أنا همضي من غير ما أعرف أي حاجه
نادي إنبي رفض رحيلي عن الفريق، وكان في وعد من المسؤلين ان هتلعب (يا رامي ماتش الزمالك وبعد الماتش هتتنقل لـ الأهلي)..
ولكن بعد المباراة محدش من المسؤلين في إنبي كان بيرد عليا وكان القيد هيقفل الساعه 12 ومحصلش نصيب، ودخلت في مشادة كببيرة بعدها مع النادي وتعرضت للإيقاف لمدة 10 أيام بسبب غضبي من عدم اتمام الصفقة.